Nisma "TIRANA JONË E LULËZUAR"

Në listën e problematikave që trajton Programi "Qendra e Edukimit & Lirive Qytetare" është edhe ndotja e ajrit në qytetin e Tiranës. Duke ndjekur me vëmendje punën që po bën pushteti lokal në lidhje me këtë çështje, Ne kemi menduar për zgjidhje që mund të ofrojë vetë komuniteti për përmirësimin e kësaj situate, që dëmton shëndetin tonë me pasoja të dhimbshme për jetën e çdokujt. 

Nisma "TIRANA JONË E LULËZUAR" fton të gjithë qytetarët e Tiranës të shtojnë 5 vazo të reja me lule natyrale nëpër ballkonet/dritaret e shtëpive apo vendet e tyre të punës. Përmes këtij veprimi brenda 12 muajsh ne do mundësojmë shtimin e 600,000 vazove të reja me lule nëpër Tiranë, të cilat do ndikojnë në pastrimin e ajrit si edhe në përmirësimin e panoramës që ne shohim çdo ditë nëpër rrugët e Tiranës. 

Na lejoni t'iu informojmë sa kushton shtimi i 5 (pesë) vazove të reja me lule natyrale në shtëpinë/biznesin tuaj.

Sipas llogarive tona, nevojitet një buxhet prej 2,000 lekë të reja.

Blerja e vazove: 5 x 200 lekë/vazo = 1,000 lekë

Blerja e luleve të vogla: 5 x 150 lekë/lule = 750 lekë

Blerja e dheut & humus: 5 x 50 lekë/thes = 250 lekë

TOTALI: 2,000 LEKË 

Kjo është kosto kur ju blini çdo gjë, pasi ju mund të merrni degëza lulesh nga miqtë e të afërmit tuaj duke e ulur koston e blerjes së luleve. Pjesa tjetër është përkujdesje dhe disa minuta kohë në ditë.

Ju ftojmë të bashkoheni me ne duke na sjellë me e-mail te: edukimiqytetar@gmail.com foto dëshmi të vazove me luleve në shtëpitë/bizneset tuaja, si edhe të ndani me miqtë tuaj idenë e nismës tonë.

Në vijim do përditësojmë informacionin për këtë nismë duke publikuar foto të pjesëmarrësve, që do i bashkohen nismës tonë: 

- Fotot e sjella nga pjesëmarrësja e parë në Nismën "TIRANA JONË E LULËZUAR" - diku në rr. Mine Peza, Tiranë

 

Rr. Mine Peza, Tirane

- Pjesëmarrësja e dytë e Nismës "TIRANA JONË E LULËZUAR" - Rr. Qemal Stafa, Tiranë

Add caption

Add caption

Add caption

- Pjesëmarrësja e tretë e Nismës "TIRANA JONË E LULËZUAR" - te Fresku, Tiranë

 

- Pjesëmarrësja e katërt e Nismës "TIRANA JONË E LULËZUAR" - Në Selitë, Tiranë

 

 

Nisma "TROTUARE TE LIRA NE TIRANE"

Kjo nismë është krijuar për të adresuar problemin e bllokimit të trotuareve dhe vijave të bardha nga makina të parkuara, duke penguar kështu lëvizjen e lirshme të kalimtarëve nëpër rrugë dhe në veçanti të të sëmurëve paraplegjikë, të moshuarve, prindërve që lëvizin fëmijët me karroca.

Ne kuptojmë vështirësitë e parkimit në Tiranë, duke qenë se shumë nga bashkëpunëtorët tanë janë shoferë, por besojmë se ata qytetarë të cilët parkojnë në trotuare apo në vijat e bardha për kalimtarët harrojnë pasojat që ka ky qëndrim për qytetarët e tjerë të komunitetit dhe sidomos ata më në nevojë. Përmes nismës tonë ne do i kujtojmë ata në çdo moment që shkaktojnë vështirësi për të tjerët që të sensibilizohen dhe ndërgjegjësohen për të mos parkuar në rrugët ku ecin kalimtarët.

Konkretisht, ne ftojmë të gjithë qytetarët e Tiranës të bëhen pjesëmarrës në nismën tonë duke vendosur në xhamat e makinave të parkuara në trotuare apo në vijat e bardha fletë të bardha me tekstin e mëposhtëm:

"I/e nderuar qytetar, 

Ju kujtojmë se vendi ku keni parkuar është i përcaktuar për lëvizjen e kalimtarëve, paraplegjikëve, fëmijëve me karroca dhe qytetarëve me çanta me rrota. Duke parkuar këtu Ju i hiqni të drejtën për të lëvizur lirshëm qytetarëve të tjerë dhe një pjese prej tyre i mohoni mundësinë për të dalë në rrugë (ata që lëvizin me karroca). Do kërkonim mirëkuptimin tuaj për të mos parkuar këtu dhe për të ndihmuar në një bashkëjetese më të mirë si qytetarë të Tiranës. 

Ju faleminderit.

Komuniteti i Qytetarëve të Tiranës"

Ne kërkojmë mirëkuptimin tuaj si qytetarë që të kontribuoni personalisht për përgatitjen e këtyre fletëve dhe më pas t'i mbani ato në çantë/xhep dhe t'i shpërndani kur të shihni makina që bllokojnë kalimin e lirshëm të kalimtarëve. Jemi të sigurtë se të gjithë sëbashku, si komunitet, do ndikojmë në ndërgjegjësimin e komunitetit për eleminimin e këtij shqetësimi.


Pas ndërmarrjes së këtij hapi të parë për të ndërgjegjësuar qytetarët në lidhje me këtë problematikë, programi do krijojë një grup pune që do punojë bashkë me qytetarët për identifikimin e mungesës së pjesëve të ulëta (pedonaleve) nëpër trotuare si edhe për fshirjen e vijave të bardha. Dokumenti që do pasqyrojë këto problematika që pengojnë lëvizjen e lirshme të qytetarëve do dërgohet në Bashkinë e Tiranës pranë zyrave përgjegjëse për zgjidhje.

Informacioni për nismën do të përditësohet vazhdimisht me zhvillimet e reja në lidhje me veprimtaritë e saj.

NISMA "ARGËTIMI NË TIRANË"

Argëtimi është një nga elementet e jetës së qytetarëve të një metropoli. Ne kemi menduar të mbledhim në një vend të gjitha mundësitë e argëtimit që ofron Tirana si qytet. Lista do pasurohet vazhdimisht dhe ne do e publikojmë të përditësuar herë pas here: 

Më poshtë do gjeni Listën e Argëtimeve në Tiranë:

Kategoria I: ARGËTIME NË NATYRË

- Shëtitje në parkun e kodrave të liqenit artificial të Tiranës. Për të gjithë adhuruesit e natyrës një shëtitje në pyllin e parkut të liqenit është një kohë e shpenzuar mes qetësisë, ajrit të pastër dhe bukurisë së parkut. Kosto: 0 lekë/person

- Vizitë në Parkun Kombëtar në Malin e Dajtit. Për të apasionuarit ndaj natyrës dhe maleve, Tirana ofron një destinacion tepër të veçantë shumë pranë saj, Parkun Kombëtar në malin e Dajtit. Parku është një destinacion i pasur me bimësi e kafshë të ndryshme, si edhe ka vende shumë të bukura me livadhe ku mund të luash e të bësh barbeky. Shëtitjet me kalë janë një argëtim tjetër që ofrohet atje (çmimi 200 lekë/personi për 20 min). Që aty lart mund të shohësh pamje të mrekullueshme të qytetit të Tiranës. Brenda parkut ndodhen disa restorante tradicionale e të tipit modern me ushqim të shijshëm e panorama fantastike.

Mali i Dajtit mund të arrihet me makinë apo me teleferik. Udhëtimi me makinë deri te kampi zgjat rreth 45 min dhe përveç karburantit në hyrje të parkut duhet të paguhet një taksë prej 250 lekë/makinë dhe 100 lekë/person (shënim: rruga është e prishur vende - vende ndaj rekomandohen makina të larta; në dimër makina duhet të pajiset me zinxhirë). 

Udhëtimi me teleferik është një përvojë e veçantë dhe realizohet nga teleferiku "Dajti Ekspres", bileta kushton 500 - 700 lekë/person vajtje ardhje në varësi të numrit të personave në grup. Për më shumë vizitoni:http://www.dajtiekspres.com/

- Shëtitjet me biçikletë. Biçikleta me qera mund të gjenden pranë digës së liqenit te Parku i Kodrave të Liqenit Artificial nga kompania Ecovolis. Një shëtitje shumë e këndshme përmes freskisë dhe panoramës së mrekullueshme të pyllit dhe liqenit. 

Kategoria II: ARGËTIME KULTURORE

- Filma në kinema

Për adhuruesit e ekranit të madh, Tirana ofron shfaqjen e filmave shqiptarë, hollivudiane dhe atyre të kinemave të tjera të huaja në:

+ Kinematë Imperial 1,2,3,4 - për më tepër vizitoni faqen e web-it: www.imperialcinemas.al

Në kinemanë imperial tek qendra Kristal mund të shihen filma në formatin 3D.

+ Kinema Millenium - për më tepër vizitoni faqen e web-it: www.kinemamillennium.com

Kosto: 250 - 700 lekë/person në varësi të orarit dhe filmit që shfaqet.

- Opera & Koncerte

+ Teatri i Operas dhe Baletit (TOB)

- Shfaqje Teatrale

+ Teatri Kombëtar

+ Teatri Metropol

- Vizitë në Muze dhe  vende të tjera historike

+ Muzeu Historik Kombëtar

+ Kulla e Sahatit të Tiranës

- Shfaqje Cirku

KATEGORIA III: SPORTE & LOJRA 

- Patinazh në Pistë Akulli

   + Brenda kompleksit tregtar City Park në autostradën Tiranë - Durrës. Bileta kushton 500 lekë/person.

   + Brenda kompleksit "Brraka", në rrugën Tiranë - Elbasan. Bileta kushton 500 lekë/person.  

- Lojra argëtuese (bouling, ping pong, bilardo)

+ Kompleksi "Tajvan" në qendër të Tiranës ka sallë bouling, pingpong dhe bilardo në katin nëntokësor. Bileta 300 - 500 lekë/person në varësi të numrit të lojrave që luan. Po në këtë kompleks ka bare, restorant, Steak House, kazino si edhe një shatërvan të madh në pjesën para kompleksit.

+ Kompleksi "Blur" në rrugën Tiranë - Elbasan, mbrapa qendrës tregtare TEG, ka disa pista bouling. Mund të shkohet me autobusët falas të qendrës tregtare, parkimi është falas. Çmimi 300 - 500 lekë/person në varësi të numrit të lojrave që luhen. 

- Sporte

- Lodra për fëmijë

     + Parku i lodrave "7 Xhuxhat" në bulevardin Bajram Curri. 

    + Parku i lodrave pranë pishinave te liqeni artificial. 

- Vallëzime

KATEGORIA IV: SHOPPING

- Panaire

- Shopping në Qendrat Tregtare. Në Tiranë dhe në periferitë e saj gjenden disa qendra tregtare, të cilat ofrojnë shumëllojshmëri dyqanesh si dhe mundësi të tjera argëtimi.

     + Qendra tregtare COIN. Ndodhet në rrugën Papa Gjon Pali II, në një nga zonat preferenciale në Tiranë. Qendra ka katër kate: njëri me bar - restorant dhe të tjerat dyqane. Për më tepër vizitoni: www.coin.al 

     + Qendra Tregtare Univers (QTU). Ndodhet në autostradën Tiranë - Durrës km 6. Aty mund të shkohet me autobus pa pagesë që niset në qendër të qytetit; parkimi i makinave është falas. Për më tepër vizitoni: www.qtu.al 

     + Tirana East Gate (TEG). Ndodhet në rrugën Tiranë - Elbasan, mund të shkohet me autobus pa pagesë që niset në qendër të Tiranës, parkingu i makinave është falas. Përveç 180 dyqaneve të larmishme, qendra përmban një librari të madhe, disa ambjente shplodhëse bar kafe, një food court si edhe një kinema 3D për të rinj. Për më tepër vizitoni: www.teg.al

       + Qendra tregtare KRISTAL. Ndodhet në rrugën Komuna e Parisit dhe përmban dyqane, supermarket, dy salla kinemaje dhe ambjente shplodhëse bar kafe. Në qendër mund të shkohet me autobus urban, bileta kushton 30 lekë/person. Parkimi i makinave për një orë është falas, më pas kushton 150 lekë/orë. Për më tepër vizitoni: www.facebook.com/pages/Qendra-Kristal

     + Kompleksi Tregtar CITY PARK. Ndodhet në autostradën Tiranë - Durrës, km 15, dhe përmban një shumëllojshmëri dyqanesh, hipermarket, shumë ambjente shplodhëse bar kafe dhe fast food, një pistë patinazhi me akull, së shpejti një kinema si edhe shumë lojra argëtuese për fëmijë të shpërndara nëpër kompleks. Mund të shkohet me autobus pa pagesë dhe parkimi është falas. Për më tepër vizitoni: www.cityparkalbania.com

       + Europian Trade Center (ETC). Ndodhet në bulevardin Bajram Curri në qendër të Tiranës. Qendra përbëhet nga 4 kate dhe përmban dyqane, supermaket dhe disa ambjente shplodhëse bar kafe. 

 Në Tiranë gjenden edhe disa qendra të tjera tregtare relativisht të vogla. 

   

KATEGORIA V: JETA E NATËS

- Klubet e Natës